| |
Bu gün yenə AŞPA-nın həmməruzəşiləri Andreas Herkel və Jivkova ilə görüşdə parlament səsvermələrinin qapalı saxlanılması məsələsini qaldırdım. Parlamentdə şəffaflığı 100 faiz kimi götürsək, onun 50 faizi məhs açıq səsvermələrin adbaad nəticələrinin ictimaiyyətə açıqlığından ibarətdir.
Bir də, hakimiyyətin toplaşmaq azadlığı haqqında qanunu dəyişdirmək planları haqqında danışdım. Xəbər verilir ki, yeni dəyişikliklərə görə, toy və yas mərasimlərində siyasi mövzuda söhbətlər qadağandır. Dəyişiklik həqiqətən edilsə, insanların dilinə və beyninə qoyulan ciddi bir senzura mənasına gələcək. Belə senzura artıq avtoritarizm deyil, totalitarizm əlamətidir. Onun müasir Avropa siyasi mədəniyyəti ilə heç bir bağlılığı yoxdur. Eh, mövzu həm gülməlidir, həm də yox...
Nəhayət, həmməruzəçilərdən xahiş elədim ki, seçki məcəlləsinə və toplaşmaq azadlığı haqqında qanuna dəyişiklikliklərin Venesia Komissiyası, Avropa Şurası ilə razılaşdırılmış olması haqda yayılan xəbərləri ictimaiyyət üçün təkzib eləsinlər. | | |
|
Dipakademiadan dəvət gəldi ki, beynəlxalq əlaqələrdə neoliberalizm nəzəriyyəsinin banisi Dr. Joseph Nye ilə bu günkü müzakirədə iştirak edim. Gedim görüm nə deyəcək, balaca adam deyil. Maraqlı bir şey olsa, sonra bura yazaram.
P.S. Dəyirmi masa maraqlı keçdi, baxmayaraq ki, rəsmiyyət normasından artıq idi. Cəmi 20 nəfər idik - 5-6 deputat, 4-5 ekspert, qalanları isə məmurlar, o cümlədən nazir müavini Paşayev, Amerikadaki səfirimiz Əliyev. Paul Goble da orada idi. Mən öz qeydlərimdə dedim ki, cənabın icad elədiyi "yumşaq güc" xarici siyasətdə daha çox artıq üstün olan tərəfin üstünlüyünü artırır, nəinki, dəyişiklik üçün köklü zəmin yaradır. Məslən, 1-2 il bundan öncə Bakıda ruslara demişdim ki, "yumşaq güc" sizin Azərbaycan ictimai rəyindəki yerinizi prinsipcə dəyişməyəcək, çünki bu rəy üçün fundamental məsələ sizin Qarabağ münaqişəsindəki mövqeyiniz, işğala verdiyiniz hərbi dəstəkdir.
Bir az da sabitlk məsələsi ətrafında danışdıq. Dedim ki, əgər sabitlik siyasi sistemin daim öyündüyü bir şüardırsa, deməli əslində, dərinə baxanda o, qeyri-sabitdir. | | |
|
Bu gün pfmc.az 2007-cil il büdcəsinin icrası və 2008-ci il büdcəsi haqqında çox dəyərli təqdimat keçirdi. Gətirilən rəqəmlərdən ikisi diqqətimi cəlb etdi və mən bu haqda orada bir müzakirə də açdım: bu il, artıq təsdiqlənmiş büdcənin artırılması üçün ayırılan 2,7 milyard manat neft gəlirləri, hökümətin indiyə qədər vergi şəkilində yığa bilmədiyi 2,5 milyard manata çox yaxın bir məbləğdir. Sual verdim ki, bəs bu vergiləri hökumət niyə yığa bilmir. Ekspertlər müxtəlif əsaslar gətirdilər. Biri dedi ki, bu, əsasən dövlət müəssisələrinin köhnə borclarıdır. Digəri onunla razılaşdı və dedi ki, bu məbləğ tədricən azalır, çünki onun azaldılması sxemi var - filan qədərini ödəyəndə, filan qədəri silinir. Bir başqası isə dedi ki, hökümətin məlumatına görə, bu borcların əksər hissəsi özəl sektora aiddir. Hər halda, müqayisənin yaratdığı nəticə: hökümət, müəssisələri dirçəltmək əvəzinə, struktur islahatlar apararaq özəl sektoru yaşatmaq əvəzinə, pul xərcləmək istəyəndə mənbə kimi yalnız neft gəlirlərinə baxır. H'l' o məsələni bir kənara qoyuram ki, artıq təsdiq olunmuş büdcəni may ayında 42 faiz artırarlarmı? | | |
|
Dövlət orqanları, döyülmüş, bıçaqlanmış, təhqirlənmiş jurnalist Aqil Xəlilə imkan vermir ki, o xaricə getsin. Ötən həftə iki dəfə dalbadal onu sərhəddən geri qaytarıblar. Özü də qadağa açıq-aydın qanunsuzdur.
Sual: görəsən Aqil Xəlilin bildiklərindən kim qorxur ki, onun ölkəni tərk etməsinə imkan vermir?
O, xaricdə təhlükəsiz şəraitdə bildiklərini yaza bilər. Bəlkə onun bildikləri hansısa güc orqanlarının bir-biri ilə kəskin rəqabəti haqqındadır? Bu haqda söhbətlər məsələnin lap əvvəlindən cəmiyyətdə dolaşır. Və ya bəlkə onun bildiyi və deyə biləcəyi başqa rəqiblər haqqındadır?
Prinsipcə, əgər onun dilini qısaltmaq istəyən varsə, özünü xaricə buraxıb ailəsini girov kimi saxlaya bilərdi. Amma Aqil mafiadan ağılda və cəsarətdə geri qalmayan oğlana oxşayır. Hər halda görək məsələnin davamı necə olacaq. | | |
|
Biz azərbaycanlılar azadlığı sevirik. Yaşadığımız əliyevçilik, etatizm dövranı tariximizdə sadəcə bir qeyri-təbii zəmanıdir, epizoddur.
Azərbaycanlıların təbii halı - azadlıqdır. Bu beynəlxalq ictimai rəy sorğusunun nəticələri bir daha bizim xalqın potensialını göstərir. Fikir verin, başqa məsələləri hələ kənara qoyuram, İnternetin azad olmasına ən çox məhs Azərbaycanlılar səs veriliblər.
Görün azərbaycanlılar, insanın pisi yaxşıdan seçmək qabiliyyətinə nə dərəcədə inanırlar!
http://www.worldpublicopinion.org/pipa/articles/home_page/477.php?nid=&id=&pnt=477 | | |
|
Şəhər rəhbərliyi Heydər Əliyevin ad gününü, başqa şeylərlə yanaşı, xaricdən neft puluna 1 milyon gül almaqla qeyd etdi. Şəkildə, rəhmətliyin heykəlinin ətrafında onun ad günündəki mənzərələrdən birini görə bilərsiniz. Day.az forumunda kimsə asmışdı. Əvvəllər, Azərbaycanda harınlayanda (daha başqa söz istifadə etmirəm) nəğd pul cırırdılar. 1970-c i illərdə Bakı məhlələrində zarafat kimi deyirdilər: "İstiisən, pul dzırım səəçün". Neftin qiyməti onda indikindən də yüksək idi, real kursla sayanda. O vaxtlara nisbətən, inkişaf göz qabağındadır.  | | |
|
Наткнулся на эту статью в свежем номере журнала Time. Здесь, между делом и в контексте интересном для провинциального британца, говорится об убийстве, организованном в 1994 году спецслужбами Армении в Великобритании.
Суть дела: некто Гагик Тер-Оганисян работал в 1992, 1993 или 1994 году переводчиком для двух эмиссаров Дудаева, которые прибыли в Великобританию для покупки 2000 стингеров. По сведениям Тер-Оганисяна, ракеты предназначались для Азербайджана. Он информировал об этом спецслужбы Армении. Для предотвращения сделки, в Лондон прибыли два агента спецслужб Армении. Они убили и расчленили тела чеченцев. Дело было раскрыто, Тер-Оганисян сейчас отбывает пожизненный срок в британской тюрме. А один из его подельников повесился в ожидании суда. Где другой, правда, не понятно. Чеченцы потом в отместку, но по ошибке, убили сестру жены Тер-Оганисяна, гражданку Великобритании. Но это уже совсем другая история.
| | |
|
| |
![[info]](http://p-stat.livejournal.com/img/userinfo.gif){kind=small}
ilgarmammadov's journal
